Микробиологот Никола Пановски вечерва во студиото на ТВ21 изјави дека процентот на починати од ковид-19 кај нас е „неверојатен“.

„Мене ме интересира што кај нас на 300, имаме 15 починати лица што е неверојатен, нечуен процент. Треба да се види што е, дали не ги фаќаме позитивните, затоа што во овие земји што ги кажувате смртноста е 0,1% и пред омикрон и сега“, вели Пановски.

Тој вели дека од негови неразбирливи причини, европските земји не ја кажуваат смртноста од сојот омикрон.

Пановски додаде дека не знае зошто овој сој ги парализирал САД, кога самата изолација кај случаите на пациенти заразени со омикрон трае само пет дена.