На улиците на украински Мариупол владее очај и паника по почетокот на руската инвазија. Жителите во голем страв побрзаа кон банкоматите, а забележан е и голем број возила кои излегуваат од градот.

Многу жители во страв бараа засолниште, мајките со деца се прашуваа што сега? Каде да се оди, со кого да се контактира, бидејќи нема планови за евакуација.

Претседателот на Украина, Владимир Зеленски, прогласи вонредна состојба, велејќи дека Русија започнала со инвазија и напаѓање на воената инфраструктура на Украина.

Украинците кои долго време се подготвуваа за можноста за напад, но не знаеја точно кога ќе се случи, беа повикани од властите да останат дома и да не паничат.