Претседателката на британскиот Врховен суд која во вторникот објави дека одлуката на премиерот Борис Џонсон за суспензија на парламентот е „незаконска“, за тоа прилика на својата облека закачи брош во обик на голем пајак и ја заинтригира јавноста која се обидува да сфати каква порака се обидела да испрати, објави „Вечерњи.хр“.

Историскиот карактер на судската одлука не ги одврати гледачите кои објавата ја следеа директно на телевизија, и ведаш беше воочен необичниот сребрен брош кој на десното рамо го носи претседателката на Врховниот суд, лејди Бренда Хејл.

Социјалните мрежи беа воодушевени со нејзиниот стил, а на И-беј се појавија маички со големиот бел пајак на Хејл по цена од 10 фунти (695 денари).

Многумина се прашуваа која е пораката на пајакот. За едни, брошот е алузија за вплеткување во пајажина, поради што брзо е повлечена паралела со Брегзит и Борис Џонсон, кој наводно ја излажал кралицата барајќи од неа да ја суспендира работата на парламентот.

Подеднакво брзо осамна и објава на Твитер со фотографија од лејди Хелј и нејзиниот брош и пајажина во која е вплеткана дебела мува со главата на Борис Џонсон.

Судијката, која е прва жена која претседава со Врховниот суд, сопственик е на збирка на брошеви во облик на животни како што се стршлени, гасеници или жаби, а секогаш ги носи закачени на десното рамо од облеката.

Even before she delivered the momentous decision that crushed Prime Minister Boris Johnson’s suspension of parliament, Supreme Court president Lady Brenda Hale had brought a blast of fresh air to Britain’s stuffy and male-dominated institutions. https://t.co/2w6tdELxXr pic.twitter.com/2qze9bJxWm

— Reuters (@Reuters) September 24, 2019

Портпаролот на судот на новинарските прашања не ја расветли мистеријата, туку само кратко одговори: „Лејди Хејл има мала збирка на брошеви, станува збор за подароци или за брошеви кои сама ги купила. Тоа е се што можам да ви кажам“.