Вчера на регионалниот пат од Радовиш кон планината Плачковица, во близина на селото Штурово, Д.П. (39) од Радовиш, управувајќи мопед марка „јинг“, без регистарски ознаки, изгубил контрола и паднал.

Во незгодата возачот на мопедот се здобил со тешки телесни повреди, констатирани во медицинскиот центар во Штип, каде што бил пренесен за укажување на лекарска помош.

Извршен бил увид на местото на незгодата од увидна екипа од Полициската станица од Радовиш.