Советодавното тело во Министерството за правда, кое ја разгледува употребата на имиња на историски личности при именувањето на граѓански здруженија и фондации, на денешната седница не даде согласност за користење на името „Цар Фердинанд“ за бугарскиот културен клуб во Богданци, потврдија за Телма од Mинистерството за правда.

По „Иван Михајлов“ во Битола и „Цар Борис Трети“ во Охрид, во Богданци бугарскиот културен клуб требаше да го носи името „Цар Фердинанд“ по бугарскиот кнез и цар од 1887 година до завршување на Првата светска војна во 1918.

Фердинанд бил владетел во чие време Македонија била поделена, а ја предводел земјата и во Балканските војни.

Советодавното тело беше формирано овој месец за да ги преиспитуваат контроверзните имиња на невладини здруженија и клубови. Денешната одлука е прва која што е донесена во Советот.