Претседателот на Алијансата за Ново Косово, и довчерашен министер за надворешни работи, Беџет Пацоли, изјави дека неговата партија ќе биде конструктивна и ќе гласа за се што е во доброто за Косово. Тој додаде дека ќе гласа за новата влада на Курти, иако тој ќе остане во опозиција.

– Јас и моите луѓе никогаш нема да ја напуштиме салата, кога ќе се гласа за нешто важно, ние ќе бидеме тука. Јас ќе ве гласам вас. Да гледаме кон иднината, да не се вратиме назад. Сум и ќе останам во опозиција. Секоја точка од вашата програма ќе биде анализирана од моја страна и ќе бидете критикувани за вашите евентуални потфрлувања. Сум бил и ќе останам конструктивен додека заврши формирањето на Косово како држава, истакна Пацоли.