Пабло Мари не бил случајно нападнат: Напаѓачот му бил љубоморен
Пред неколку дена спортската јавност беше шокирана од нападот во супермаркет во Италија во кој беше повреден и фудбалерот Пабло Мари.
Препорачано
Пабло Мари во Монца настапува како позајмен фудбалер од Арсенал. Напаѓачот Андреа Томболини во полициската станица го призна делото и потенцираше дека не го нападнал случајно Мари.
„Да, го препознав. Не го нападнав случајно, кога го здогледав во редот бев љубоморен затоа што тој има се и му е добро, а јас сум мизерен и болен. Во тој момент го прободев и требаше тука да застанам. Навистина не знам зошто продолжив да ги напаѓам другите“, изјави Томболини.
Во нападот во кој беше повреден Мари, беа повредени и уште пет други лица, а едно лице го загуби животот. Фудбалерот беше опериран и пуштен од болница, на терените се очекува да се врати за два до три месеци.
„Неколку моменти пред нападот одев низ продавницата туркајќи количка во која беше моето дете, наеднаш почувствував голема болка во грбот, како да добив грч. Имав среќа затоа што видов како човек умиpa пред мене, му беше прeceчен вратот. Јас сум добро во понеделник се враќам на терените“, беше изјавата на Мари за нападот.
