Вчера во супермаркет во италијанскиот град Асаго во близина на Милано се случи вистински хорор откако напаѓач влегол со нож и почнал да ги напаѓа луѓето во негова близина.

Еден од повредените во нападот во кој според информациите има и жртва е фудбалерот Пабло Мари кој настапува за Монца како позајмен играч од Арсенал. Мари за италијанските медиуми по нападот ја даде и првата изјава.

„Неколку моменти пред нападот одев низ продавницата туркајќи количка во која беше моето дете, наеднаш почувствував голема болка во грбот, како да добив грч. Имав среќа затоа што видов како човек умиpa пред мене, му беше прeceчен вратот. Јас сум добро во понеделник се враќам на терените“, изјави Мари.

По нападот тој со хеликоптер бил пренесен во најбилската болница, а повредата му била санирана со операција. Медиумите пренесуваат дека животот во нападот го загубила 47-годишна касиерка од Боливија. За напаѓачот е познато дека имал психички проблеми и бил хоспитализиран во болница на 18. октомври.