Фудбалската ЛШ понуди некои од најдобрите фудбалски моменти..Од 1992 година, ова натпреварување се нарекува Лига на шампиони, откако претходното име беше Европски куп.

Напредуваше многу од тогаш и сега е на повисоко ниво, и скоро секоја сезона со себе носи некои нови рекорди. Во тек е новата натпреварувачка сезона 2020/21, постојат неколку рекорди кои изгледаат недостижни, а беа поставени во периодот од 1992 година до денес..

1. НАЈБРЗИОТ ХЕТ-ТРИК

Бафетимби Гомис постигна хет-трик за Лион против Динамо Загреб во Лигата на шампионите за само седум минути. Така тој го надмина Мајк Њуел кој постигна три гола за Блекбурн во 1996 година за девет минути. Лион победи во „Максимир“ во 2011 година со резултат 7:1, а Гомис постигна вкупно четири гола. Првите три гола ги постигна од 45 до 52 минута.

2. ИГРАЧ СО НАЈМНОГУ ГОЛОВИ НА ЕДЕН НАТПРЕВАР ВО НОКАУТ-ФАЗА

Лионел Меси постигна дури пет погодоци за Барселона во осминафиналето против Баер Леверкузен. Каталонскиот клуб славеше со резултат 7:1, а натпреварот се играше во 2012 година. Никој не постигна толку многу голови на ниту еден натпревар од нокаут фазата во ова натпреварување.

3. ГОЛМАН СО НАЈМНОГУ ГОЛОВИ

Поранешниот голман на Баерн Минхен, Ханс-Јорг Бут постигна вкупно три гола во Лигата на шампионите. Интересно, тој ги постигна сите три од пенал против Јувентус, во дресот на Хамбург, Баер Леверкузен и Баерн.

4. ГОЛМАН СО НАЈМНОГУ НАТПРЕВАРИ БЕЗ ПРИМЕН ГОЛ

Од октомври 2005 година до април 2006 година, Јенс Леман, како голман на Арсенал, поврза дури девет натпревари без примен гол. Германскиот голман доби црвен картон во финалето на Лигата на шампионите во 2006 година во 18 минута при резултат 0:0 во пресметката помеѓу Арсенал и Барселона. Шпанците на крајот славеа со 2:1 против Англичаните.

5. НАЈУБЕДЛИВА ПОБЕДА

ХJК Хелсинки го победи Бангор Сити со 10:0 во второто квалификациско коло од Лигата на шампионите 2011 година. Финскиот клуб славеше на два натпревари со вкупни 13:0 против екипата од Велс.

6. НАЈМНОГУ ГОЛОВИ ВО ЕДЕН НАТПРЕВАР

Борусија Дортмунд ја победи Легија Варшава со 8:4 во групната фаза од Лигата на шампионите на домашен терен во 2016 година. Тоа е натпревар со најмногу голови (12) во историјата на ова натпреварување.

7. НАЈСТАР ФУДБАЛЕР

Голманот Марко Балота имаше 43 години и 253 дена кога играше во поразот на Лацио од Реал Мадрид со 3:1 во сезоната 2007/08. Се покажа дека тоа е последниот натпревар на Балота во ова натпреварување. Тој остана најстариот фудбалер кој играл на натпревар во елитата.

8. ИГРАЧ СО НАЈМНОГУ ГОЛОВИ ВО ЕДНА СЕЗОНА

Кристијано Роналдо е во сезоната 2013/14 постигна дури 17 голови во Лигата на шампионите. Тој ја круниса одличната сезона со титула во ЛШ со Реал Мадрид откако во финалето го победи градскиот ривал Атлетико по продолженијата (4:1).

9. НАТПРЕВАР СО НАЈМНОГУ ГЛЕДАЧИ

Барселона во сезоната 1994/95 на нејзиниот стадион „Камп Ноу“ играше против ПСЖ, а на трибините имаше дури 115.000 гледачи. Стадионот подоцна претрпе одредени промени и тој број никогаш не беше надминат.

10.ДЕФАНЗИВЕЦ СО НАЈМНОГУ ГОЛОВИ ВО ЕДЕН НАТПРЕВАР

Лејвин Курзава постигна дури три гола во победата на ПСЖ над Андерлехт во 2017 година и со тоа стана одбранбен фудбалер со најмногу голови на еден натпревар од Лигата на шампионите. Париските „светци“ победија со 5:0 на тој меч.

11.НАЈМЛАД ИГРАЧ КОЈ ПОСТИГНА ХЕТ-ТРИК

Раул постигна хет-трик во победата на Реал Мадрид против Ференцварош во 1995 година, и имаше само 18 години и 114 дена. До сега само пет тинејџери успеаја да постигнат хет-трик во Лигата на шампионите, но никој од нив не беше помлад од Раул.