Овечкин дојде до уште еден НХЛ рекорд и го мерка остварувањето на Грецки
Легендарниот Русин (37) не престанува да пишува историја во најсилната хокејарска лига, а вчера го изедначи рекордот за најмногу постигнати голови во дресот на еден тим (786). Дали Овечкин ќе го достигне апсолутниот голгетерски рекорд на Вејн Грецки од 894 гола?
Рускиот хокејар Александар Овечкин иако има 37 години игра во голема форма за неговиот НХЛ тим Вашингтон кепиталс.
Препорачано
Во последниот дуел на Вашингтон во НХЛ лигата, на гостувањето кај Детроит ред вингс, Овечкин го изедначи НХЛ рекордот на најмногу постигнати голови за еден клуб.
Тој го постигна својот 786 гол за Вашингтон и го изедначи рекордот на Горди Хау кој во дресот на Ред вингс има постигнато исто толку голови. Хау (88) одамна не игра, па Овечкин сигурно ќе го надмине неговиот рекорд.
Разликата е во тоа што на Хау му требаа 25 сезони и 1.687 меча да дојде до толку голови, а на Овечкин „само“ 18 сезони и 1.286 одиграни меча. Овечкин го посакува апсолутниот поединечен рекорд на НХЛ лигата, оној на легендарниот Вејн Грецки, кој има постигнато 894 гола, она што никој освен него досега не го остварил.
– Овечкин продолжува да татни и е веднаш зад Вејн Грецки, водејќи во трката за соборување на неговиот рекорд. Грецки е многу напред со 894 гола, па Овечкин има уште многу работа пред себе – се вели во коментарот на Си-Би-Ес.
Капиталси го избраа Овечкин како број 1 на драфтот на НХЛ во 2004 година и оттогаш тој ги измачува противничките голмани. Овечкин постигна најмалку 50 гола во девет различни сезони, а исто така девет пати го освои трофејот „Морис Ричард“ како водечки стрелец во лигата. Инаку, Капиталс беа поразени кај Ред Вингс со 3-1.
