Просото е здрава житарка која благодарение на многуте благодети ја нарекуваат суперхрана. Токму затоа нутриционистте тврдат дека треба да ја консумираме што повеќе. Просото е преполно со протеини, антиоксиданси и хранливи материи.

Може да има бројни здравствени придобивки, како што е намалување на нивото на шеќер и холестерол во крвта. Покрај тоа, просото е храна без глутен, што го прави одличен избор за луѓе со целијачна болест или за диети без глутен.

Истражувањата покажуваат дека редовното консумирање на просо доведува до позитивни последици по нашето здравје, како што се:

• намалување на шеќерот во крвта
• намалување на холестеролот
• избалансирано варење
• побрз метаболизам
• детоксикација на телото
• намалување на ризикот од болести на срцето и циркулаторниот систем.

Покрај тоа, просото е одличен избор на храна за сите оние кои имаат проблеми со ниското ниво на железо во крвта, односно анемија. Причината е што содржи завидни количини на железо, па нутриционистите советуваат да се консумира што почесто.