Државјанин на Србија, Владислав Фунштајн, русинот Сергеј Расохин и мексиканецот Емануел Алехандро Ацевес Куевас се уапсени денески во близина на Азорските острови во Атлантскиот океан, за време на акција во која се запленети околу 800 килограми кокаин.

Тие се уапсени за време на заплената на бродот „Seascape“, а се претпоставува дека кокаинот го криумчареле од Јужна Америка во Европа.

На пакетите со кокаин имале залепено слика од Гаврило Принцип.

Заради истата акција уапсени се уште две лица во Србија – таткото и синот Мирко и Драган Џанковиќ од Шид. Шиѓаните и Фунштајн, според фотографиите, се познавале.

Фунштајн, инаку, пред неколку години е уапсен во Хрватска со група која шверцувала повеќе од 100 килограми марихуана.

Членовите на оваа организирана криминална група се обвинети дека во повеќе наврати патувале во земји во Јужна Америка, каде вршеле припреми за превземање и криумчарење на кокаин. Постојат сомнежи дека за потребите на транспорт на кокаинот, тие купиле едрилица на која направиле измени во конструкциските шуплини.

Откако ги извршиле измените, припадниците на организираната криминална група, како што се сомнева, го превземале кокаинот во Јужна Америка, го сместиле во шуплините и тргнале накај Европа, каде биле застанати од страна на шпанските надлежни органи во близина на Азорските острови.

На осомничените кои се уапсени во Србија, им е одредено задржување до 48 часа и тие, покрај кривичната пријава, ќе бидат приведени во Обвинителство за организиран криминал.