Жозе Мурињо кој е на клупата на турскиот гигант Фенербахче неочекувано се појави на листата кандидати за нов тренер на Реал Мадрид.

Дел од шпанските медиуми пренесуваат дека Флорентино Перез е подготвен да го врати на клупата на гигантот од Мадрид и веќе ги започнал преговорите.

Мурињо Реал Мадрид го водеше три години во период 2010 до 2013 година и под негово воство клубот успеа да освои по еден трофеј во Ла Лига, Копа дел Реј и Суперкупот на Шпанија.

Најавите за тренерска смена во Реал Мадрид се зголемија по убедливиот пораз на „кралевите“ од Арсенал во првиот натпревар во Лигата на шампионите од 3-0. Сепак, се истакнува дека и понатаму главна цел за Перез ако замине Анчелоти дефинитивно е Чаби Алонсо од Баер Леверкузен, додека Мурињо е „план Б“.