Два месеци по ненадејната смрт на албанската стјуардеса Грета Дирмиши (24), вработена во авиокомпанијата Ер Албанија, истрагата ги откри причините за тоа. Дирмиши се онесвестила на 21 декември минатата година откако авионот слетал на аеродромот Станстед во Лондон, во моментот кога ги симнувала патниците од летот, а кратко потоа починала.

Обдукцијата утврдила дека 24-годишната Грета починала од синдром на ненадејна смрт кај возрасни. Кога паднала во несвест, персоналот и пружил прва помош, а болничарите ја извршиле процедурата за реанимација, но таа не можела да се спаси. Синдромот на ненадејна смрт кај возрасни, исто така познат како синдром на ненадејна аритмичка смрт (SADS), се однесува на неочекувана смрт од срцев удар, но причината за срцевиот удар е непозната.

Околу 500 луѓе годишно умираат од овој синдром во Обединетото Кралство, а тој може да биде резултат на наследна срцева болест. Кога младата стјуардеса се онесвестила, веднаш биле контактирани болничари и во авионот пристигнале две амбулантни возила, пишува Дејли Мејл.

„Веднаш и` беше укажана прва помош. Десет минути подоцна немаше пулс“

Се огласи и авиокомпанијата Ер Албанија и изрази сочувство до семејство:

„Нашиот член на персоналот, Грета Дирмиши доживеа срцев удар на 21 декември, откако ги симна патниците од нашиот лет за Лондон. Ја загубивме иако и беше укажана секаква медицинска помош. Веднаш стапивме во контакт со нејзиното семејство. Грета секогаш ќе ја паметиме како одлична колешка и одлична и пријателка. Господ да ја помилува и да даде мир на семејството“ – стои во соопштението.