Американскиот актер Зак Ефрон (36) викендов беше итно хоспитализиран во болница на Ибица, каде доживеа „помал инцидент“ во базен. Странските медиуми објавија дека двајца мажи го извлекле актерот од базенот, а неговиот претставник изјавил дека Ефрон завршил во болница само од претпазливост.

Извори, во изјава за „Ти-ем-зи“, сега открија дека Ефрон бил на нуркање и, наводно, удрил во дното на базенот и неговите бели дробови се наполниле со вода. Други лица забележале дека нешто не е во ред со него, го извлегле од базенот и го однеле во болница. Лекарите го прегледале и направиле тестови за да утврдат дека нема повеќе вода во белите дробови, по што го отпуштиле од болница.

Пред два дена, Ефрон објави фотографија на која вежба и изјави дека се чувствува „среќно и здраво“.

„Ви благодарам на убавите желби“, додаде 36-годишниот актер.

Ефрон моментално е во Шпанија, а претходно беше во Париз каде беше виден на отворањето на Олимписките игри. Откако САД го освоија златниот медал во гимнастика, актерот упати честитка на социјалните мрежи.

„Горд на тебе, Симон Билс“, напиша тој.

Ефрон и Билс се сретнаа на Олимпијадата 2016 година во Рио де Жанеиро, кога Билс рече дека таа и нејзините пријатели се големи обожаватели на актерот.

ВИДЕО | Зак Ефрон доби ѕвезда на Булеварот на славните во Холивуд: На церемонијата му оддаде почит на Метју Пери