Откриен изворот на загадување во реката Брегалница

Градоначалникот на Општина Штип, Благој Бочварски  објави на социјалните мрежи дека е откриен сторителот на еколошкиот инцидент во реката Брегалница, што се случи попладнево.

Тој вели дека заедно со претставници на риболовното друштво „Брегалница” и загрижени граѓани бил на терен и го пронашле изворот на загадувањето во реката Брегалница, како што вели во еден од превозниците во ТИРЗ зоната.

-Повикав надлежен инспектор и крим полиција кои се на лице место. Калкулации не смее да има. Секој мора да ја сноси одговорноста на своите постапки, вели Бочварски.

;

Заменик министерот за животна средина, Јани Макрадули вели дека е  известен  за еколошкиот инцендт кој попладнево се случи во реката Брегалница, откако  од каналот за отпадни води на поранешниот текстилен комбинат Македонка, па се по течинието на Брегалница низ градот Штип е со обоена густа бела боја, а има и тежок мирис на лак.

Макрадули вели дека разговарал го градоначалникот на Општина Штип, Благој Бочварски веднаш по инцидентот и го известил  и Државниот инспекторат за животна средина. Дециден е дека инспекторите мора да постапуваат.

Река Брегалница/Фото: МИА

МИА и претходно информиораше дека полицијата беше излезена на терен. Во исто време ќе се проверуваат и еколошките дозволи на фирмите во кругот на Македонка, од каде денеска  истекуваше белата густа течност со тежок мирис на лак.

Брегалница првпат не ја менува бојата. Пред две години водата се обои во црна,  сина и црвена боја.  Инспекторите тогаш не открија виновници, утврдија дека се работи за затнување на каналите за отпадна вода, но беа откриени пропусти кај неколку компании што се занимаваат со боење  ткаенини, а се лоцирани во кругот на поранешниот текстилен комбинат Македонка.

Земени мостри од местото каде се испуштаат хемикалиите во реката Брегалница (ФОТО)

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот