Трката за Големата награда на Индија во Мото ГП шампионатот, која требаше да се одржи од 20 до 22 септември, денеска е откажана, соопштија организаторите.

Како што се додава, во тој период ќе се вози и трката во Казахстан, која беше закажана од 14 до 16 јуни, но беше одложена поради лошите временски услови.

Организаторите соопштија дека овогодинешната трка во Индија е откажана од „оперативни причини“, но ќе се вози следната година.

Со откажувањето на ГН на Аргентина на почетокот на април, календарот на Мото ГП моментно има 20 трки, од кои шест се веќе одржани.

На првата позиција водечки е Хорхе Мартин на „Прима Прамак Рејсинг“ со 155 поени, пред Франческо Бањаја на „Дукати Леново Тим“ со 116, а третопласиран е Марк Маркез на „Гресини Рејсинг МотоГП“ со 114.