Актерот Остин Батлер, кој се прослави во улогата на Елвис Присли во филмот за легендарниот пејач, треба да ја преземе улогата на Патрик Бејтмен во модерната верзија на филмот „Американски психо“, пишува „Мирор“ (The Mirror). Изборот на актери е потврден, а режисерот Лука Гвадањино нема да го преработи филмот од 2000 година, туку ќе работи на нова адаптација на романот на Брет Истон Елис.

Фановите беа воодушевени од оваа вест.

any tongue that rises against austin butler shall fall. that man is nothing but kind spirited, works so so hard and is such a phenomenal actor. he definitely deserves to play patrick bateman so i need #them to stop bitching and moaning
pic.twitter.com/B2ThLznsp1

— shay (@duassnow) December 11, 2024

„Тој дефинитивно заслужува да го глуми Патрик Бејтмен…“, „Многу сум возбуден што Остин Батлер ќе игра во филмот „American Psycho“, „Внимавајте што ќе кажам, откако ќе излезе „Американски психо“ сите ќе му се извинат на Остин Батлер затоа што се сомневале во него…“, се дел од реакциите на Икс.

Секако, имаше и такви кои не беа задоволни од изборот, но и оние кои беа лути што воопшто се прави нова адаптација. „Остин Батлер е најлошиот кастинг за „American Psycho““, „Веста за „American Psycho“ многу ме лути затоа што, прво, воопшто не ни треба нова адаптација, а второ, Остин Батлер воопшто не е згоден, неговата улога треба да го добие најзгодниот маж досега“, се дел од реакциите.

mark my words once american psycho comes out everyone will be apologizing to austin butler for ever doubting him cause one thing that man can do is portray a PSYCHO pic.twitter.com/VjP78KwS0x

— Sarah (@sydglenx) December 12, 2024

Инаку, Батлер беше номиниран за Оскар и доби Златен глобус за улогата на Присли во филмот „Елвис“. Познато е дека Батлер толку многу влезе во улогата на легендарниот пејач што не можеше да се извлече од неа ниту по снимањето на филмот. На церемониите кога зборуваше звучеше како Елвис, па некои го напаѓаа на социјалните мрежи поради неговиот „лажен“ акцент.

Но, тогаш актерот објасни дека се обидувал да се ослободи од својот акцент, но дека поради улогата ги оштетил гласните жици. “Се ослободувам од акцентот, но веројатно ги оштетив гласните жици со сето тоа пеење. Една песна мораше да се пресними 40 пати”, објасни Батлер.