Кандидатот за претседател на ДУИ, Бујар Османи инсистира на медиумски дуел со противкандидатот од ВМРО ДПМНЕ Гордана Силјановска-Давкова со цел да ги презентираат нивните понуди и отворено да зборуваат пред граѓаните за тоа кој каква визија има за Македонија.

„Затоа денеска ја поканив противкандидатката г-ѓа Гордана Силјановска, и пак ја поканувам, ајде да дебатираме! Бидејќи нашите две понуди се единствените алтернативи, ајде да влеземе во дебатата! Јас ќе зборувам за интеграција, вие ќе зборувате за изолација. Јас ќе зборувам за соживот на Европскиот фронт, вие ќе зборувате како ви требаат 61 пратеник за да ги исклучите Албанците, Турците и другите од одлучувањето. Ќе зборувам како секој од нас да има европски пасош во џебот, а таа нека зборува како ги тера луѓето и нашите граѓани да земат бугарски пасош за да избегаат во Европа. Ова се 2-те алтернативи кои ни се нудат“ – истакна Османи на синоќешниот митинг во Црнилиште.

Засега, како што соопштија од ДУИ, ниту Силјановска Давкова ниту штабот на ВМРО ДПМНЕ сѐ уште не одговорија на поканата за дебата.