Претседателскиот кандидат на ДУИ Бујар Османи преку социјалните мрежи упати покана до политичките конкуренти во претседателската трка, на заеднички ифтар, откако ДИК денеска ќе ги потврди претседателските кандидатури. Впечатливо е дека меѓу поканетите не е градоначалникот и кандидат за претседател Стевчо Јакимовски, кој од пред два дена се најде на американската „црна листа“, како и кандидатката на Левица Билјана Ванковска.

-На денот кога ја чекаме потврдата на нашите кандидатури за претседател на Република Северна Македонија, сакам да ги поканам кандидатите Стево Пендаровски, Гордана Силјановска, Арбен Таравари и Максим Димитриевски на заеднички ифтар со цел во духот на овој месец да разговараме и да се договориме за позитивна, конструктивна кампања и натпревар на идеи за да добиеме европски претседател – напиша Османи на Фејсбук, во поканата.