Мохамад Фарик Амин и Мохамед Назир Леп, двајцата од Малезија, поврзани со бомбашките напади на Бали во 2002 година во кои загинаа 202 луѓе, по 18 години беа ослободени од Гвантанамо бидејќи досега за нив немало никакво судење, пренесува Ројтерс.

Тие во 2003 година биле уапсени во полициска акција на Тајланд.

Американските власти соопштиле дека и двајцата Малезијци се изјасниле како виновни пред воена комисија за повеќекратни злосторства, убиство, кршење на закони на војната, намерно нанесување тешки телесни повреди и заговор.

По ослободувањето на овие две лица, во Гвантанамскиот затворенички камп преостануваат уште 27 затвореници.

Министерот за внатрешни работи Датук Сери Саифудин Насут Исмаил за локалните медиуми потврдил дека Малезија ги прифатила затворениците и го олеснила нивното враќање назад во земјата.