Градоначалникот на општина Кисела Вода Орце Ѓорѓиевски при гостување во емисијата „Утрински Печат“ зборуваше и за опструкциите кои ги правела градоначалничката на Скопје Данела Арсовска врз него и општината Кисела Вода. Тој истакна дека сегашните нивни односни се само службени, што пак тоа не било и случај во минатата година.

– Во новата година имаме службени релации и односи со г-ѓа Арсовска. И не можам да кажам дека во новата година имам опструкции од неа, што не беше случај тоа во изминатата година. Сметам дека е недозволиво да се кочат проекти и замисли од било кој на општините а не особено од градоначалник на Скопје за проекти кои се поврзани за развој на општините. Се надевам дека соработката со Арсовска оваа година ќе биде подобра од минатогодишната – истакна кратко Ѓорѓиевски.