Унгарскиот премиер Виктор Орбан изјави дека украинскиот претседател Володимир Зеленски ќе се соочи со последици за неодамнешните напади врз гасоводот „Дружба“, кој ги снабдува Унгарија и Словачка.

Во објава на Фејсбук, Орбан истакна дека „Зеленски отворено ѝ се закани на Унгарија“ и призна дека нападот врз гасоводот имал за цел да одговори на противењето на Будимпешта на членството на Украина во Европската Унија.

„Зеленски отворено ѝ се закани на Унгарија. Тој призна дека го гранатираат гасоводот „Дружба“ затоа што ние не го поддржуваме нивното членство во ЕУ. Оттука следува дека Унгарците донеле правилна одлука. Зеленски ќе има долгорочни последици за зборовите што ги кажа“, рече Орбан.

Украинските вооружени сили неодамна го нападнаа гасоводот „Дружба“ три пати, што доведе до прекин на снабдувањето со енергија за Унгарија и Словачка.