Сајтот за спортска статистика и анализа „Опта“ ја објави листата на фаворити за освојување на фудбалската Лига на шампионите за сезоната 2024/25.

„Опта“ го искористи својот суперкомпјутер кој 10.000 пати ја симулираше сезоната 2024/25 во ЛШ за да дојде до најточни заклучоци.

Во предвид беа земени неколку статистики, како и нов систем на натпреварување без групна фаза.

Прв фаворит е Манчестер сити со 25,3 отсто, втор е бранителот на титулата Реал Мадрид со 18,2 отсто, а трет е Интер со 10,9 отсто.

На четвртото место е тимот на Арсенал со 6,3% шанси, а на петтото е Баер Леверкузен со 5,4% шанси. Покрај нив, тука се и Барселона со 5,2%, Ливерпул со 4,2% и Баерн со 4,1%, а истиот процент го има и ПСЖ.