Во пресрет на новата сезона во најелитното европско клупско натпреварување, Лигата на шампионите, аналитичарите од статистичката куќа „Опта“ ги пресметаа шансите на екипите за освојување на трофејот.

Според нивната анализа, најголем фаворит е Ливерпул со 20,4% шанси, додека веднаш зад него се наоѓа Арсенал со 16%, а актуелниот европски шмпион ПСЖ доби 12,1% веројатност да го одбрани трофејот.

Она што најмногу привлече внимание кај фудбалската јавност е проценката за Реал Мадрид. Клубот со најмногу титули во ова натпреварување доби само 5,8% шанси, што многумина го сметаат за навредливо, имајќи ја предвид и историјата и квалитетот на тимот.

Прогнозата на „Опта“ наиде на бројни критики, не само поради „потценувањето“ на Реал, туку и поради неколку други спорни проценки, меѓу нив и онаа дека Клуб Бриж има поголеми шанси за титула отколку Атлетико Мадрид, Јувентус или Аталанта.