Пред два дена, на 29 септември, денот кога започна кампањата за локалните избори, Општина Делчево потпишала договор за тендер со кој ќе се регулација на коритото на реката Брегалница во центарот на градот, вреден 684.000 евра, објави „Фактор“.

Тендерот бил распишан уште на 22 јули, а најповолниот изведувач бил избран на 11 септември. Парите за проектот се од унгарскиот кредит.

Фирмата „Панел-М“ од Тетово треба да го заврши проектот во рок од една година откако е потпишан договорот, а треба да почне со работа веднаш по потпишувањето. Доколку не го стори тоа за седум дена, договорот ќе биде раскинат, а со тоа и ќе ѝ биде задржана гаранцијата од 5% од вредноста на договорот која ја понудила фирмата, односно над 35.000 евра.