Со цел подобрување на условите за живеење и намалување на потрошувачката на енергија, Општина Чаир спроведува  проект за енергетска ефикасност во колективните станбени згради. Како што објаснува градоначалникот Висар Ганиу, проектот предвидува 30 отсто од инвестицијата за нова фасада да го финансира Општината, а остатокот да го обезбедат станарите.

Оваа иницијатива има за цел да им помогне на заедниците да ги намалат трошоците за енергија и да создадат подобри услови за живеење. Покрај колективните станбени згради, исто така успешно ја завршивме имплементацијата на мерките за енергетска ефикасност во сите основни училишта и детски градинки на територијата на општината, со што обезбедивме побезбедна и поефикасна средина за нашите ученици и деца – објави Ганиу на Фејсбук.

Според него, процесот на аплицирање ќе се спроведува целосно транспарентно, преку јавен повик, со што ќе се обезбеди еднаква можност за учество на сите заинтересирани станари.