Во Паркот на Франкофонијата, денеска 100 семејства со новореденчиња добија еднократна парична помош од Општина Центар во вредност од 7.000 денари.

-Да се стане родител е најголемата чест, но и најголемата обврска. Затоа сме тука – да ви подадеме рака, да ве охрабриме и да ве потсетиме дека не сте сами на овој пат. Грижата за децата не е само семејна одговорност – тоа е наша заедничка мисија. Како локална самоуправа, знаеме дека секој ден со дете е предизвик, но и благослов. Затоа, редовно, секоја година доделуваме еднократна помош од 7.000 денари за да ви го олесниме почетокот, барем малку – истакна градоначалникот на Општина Центар, Горан Герасимовски.

Еднократната помош е дел од редовната поддршка што Општина Центар секоја година ја доделува на новите родители како дел од проектот за првична финансиска и морална поддршка на семејствата со новороденчиња.

Освен финансиската поддршка, на семејствата им беа доделени и подароци со цел дополнително олеснување на првите месеци од родителството.