Онкологот Мери Пешевска, вработена на Клиниката за радиотерапија и онкологија во Скопје, денеска призна вина во случајот „Онкологија“.

Таа изјави дека не е сигурна дали лично ја продолжувала терапијата за седумтемина пациенти за кои е обвинета, бидејќи нејзиниот печат и лозинка стоеле на шалтер и биле користени од практиканти.

„Совесно и одговорно тврдам дека мојата лозинка и печатот сум ги оставила на шалтер и прифаќам вина,“ рече Пешевска.

За разлика од неа, поранешниот директор на Клиниката, Никола Васев, претходно изјави дека не се чувствува виновен.

Во судницата присутни се и останатите обвинети, онколозите Симонида Црвенкова и Драган Јакимовски.

Обвинението ги товари лекарите за продолжени „тешки дела против здравјето на луѓето“ и „несовесно лекување“, при што кај 29 пациенти биле применети неподобни терапии со отстапувања во дозирањето и без соодветна проценка на здравствената состојба.

Васев свесно ги прекршувал меѓународните медицински стандарди и пациентите добивале штетни терапии, тврди Обвинителството