Српската рок-легенда Оливер Мандиќ моментално е хоспитализиран и се подготвува за сериозна хируршка интервенција.

Информацијата ја објави медиумскиот магнат Жељко Митровиќ, кој на социјалните мрежи сподели фотографија со музичарот, откривајќи дека операцијата е закажана за утре, 11 март.

„Мојот драг пријател и брат, еден од петте најголеми српски рокенрол уметници на овие простори и на сите времиња, Оливер Мандиќ, утре има тешка операција, па морав да го видам и да му посакам среќа!“, напиша Митровиќ на својот инстаграм-профил.

Медиумите се обидоа да стапат во контакт со Мандиќ, но тој кратко одговори: „Сè ќе биде добро. Во моментов ми мерат притисок, тука сум со анестезиологот, па не можам да зборувам, но ќе биде сè во ред“.

Мандиќ во последно време ретко се појавува во јавноста. Последен пат беше виден на погребот на својата блиска пријателка и музичка легенда, Слаѓана Милошевиќ.