Полицајци рано утрово привеле 52-годишен охриѓанец, осомничен дека го запалил глисерот на својот брат, при што огнот се проширил и зафатил дел од зграда и патничко возило.

Инцидентот се случил утрово околу 02:33 часот, во дворно место на улица „Даме Груев“ во Охрид. Пожарот го изгаснала екипа на Територијалната противпожарна единица.

Од Министерството за внатрешни работи информираат дека е опожарен глисер и патничко возило „мерцедес“ со охридски регистарски таблички, сопственост на 45-годишниот Ј.С., брат на осомничениот.

Приведениот З.С. (52) во службен разговор го признал делото и бил задржан во полициска станица. По целосно документирање на случајот, против него ќе биде поднесена соодветна кривична пријава.