Охридскиот пливачки маратон ќе почне в сабота од 10 часот, поради најавените временски услови
Како што соопштија организаторите, поради најавените временски услови, за утре попладне, силен ветар и врнежи од дожд, а со цел да не се загрози безбедноста на учесниците на Охридскиот пливачки маратон, стартот на овогодинешниот 38. по ред Охридски пливачки маратон, на патеката Климе Савин во должина од 25км, ќе биде означен во 10 часот од „Свети Наум“.
Препорачано
-
1
-
2
-
3
Се очекува првите пливачи на целта на охридското пристаниште да пристигнат околу 16 часот.
Годинава 25 километри долгата патека „Климе Савин“ од „Свети Наум“ до Охрид ќе ја пливаат 16 маратонци и маратонки од шест земји.
Охридскиот пливачки маратон годинава одбележува седум децении од славните почетоци. Организатор на манифестацијата е ПК Охридски бранови 2008, а маратонот се одржува под покровителство на претседателката Гордана Сиљановска-Давкова, Министерството за спорт, Општина Охрид и Пливачката асоцијација на Македонија. Наградниот фонд изнесува 15.000 евра.
Во женска конкуренција ќе настапат шест пливачки:
Елена Лионело – Италија
Росана Гошева – Македонија
Алисја Гедриш – Полска
Милица Љубисављевиќ – Србија
Ерика Абигал Јенсен – Аргентина
Мајте Ајлен Пука – Аргентина
Во машка конкуренција ќе настапат 10 пливачи:
Александар Илиевски – Македонија
Леонид Мишевски – Македонија
Акуилес Балаудо – Аргентина
Матео Фурлан – Италија
Хуго Риберио – Португалија
Матиас Дијас Хернандес – Аргентина
Федерико Тамборино – Италија
Марко Инглима – Италија
Петар Цеков – Македонија
Лазар Поп Трајков – Македонија
