Градоначалникот на Охрид, Кирил Пецаков, денеска се сретнал со амбасадорот на Кралството Шпанија, Н.Е. Рафаел Сориано Ортиз.

„На работната средба разменивме мислења околу туристичката соработка меѓу двете земји, Македонија и Шпанија при што се разгледуваа можностите за воведување на авиолинија Скопје-Мадрид со три летови неделно, по веќе воспоставената Скопје-Барселона. Тоа би значело поголем број шпански гости на охридската ривиера“, изјави Пецаков.

„Со Амбасадорот разговаравме и за тоа што шпанската Влада има предвидено Грант од милион евра кој што се овозможува реконструкција на прочистителниот систем на Охридското Езеро како природна реткост заштитена од УНЕСКО. Стана збор и за физибилити студијата за прочистителни станици наменети за нашето езеро, а изработена од етаблирана шпанска компанија“, вели градоначалникот.