Ракометарите на Вардар со пресврт славеа над Охрид со 26:27 во рамките од Суперлигата.

Охрид имаше водство речиси во целиот натпревар, Вардар поведе со 0:1, а в продолжение се беше во знакот на домаќините се до финишот од средбата.

Во еден момент од натпреварот Охрид водеше и со шест реазлика, а на паузата на семафорот стоеше 16:11.

Вардар се разбуди во последните осум минути кога благодарение на одличниот Гогов со серија од 10:3 го сврте резултатот и успеа да слави.

Охриѓани во тие моменти немаа решение за расположениот Гогов кој средбата ја заврши со 11 одбрани. Најефикасен на натпреварот беше Грузиецот од Охрид, Орон Никидѕе, додека Борозан за Вардар постигна девет.