Екипата на Охрид во своите редови го доведе досегашниот голман на Бутел Бојан Блажески со кого потпиша договор на две години и така го продолжи амбициозниот проект.

Во прашање е голман кој има 28 години и кој цели осум години е дел од Бутел и со овој клуб учествуваше во три европски циклуси.

Своевремено Блажески беше дел од кадетската и младинската репрезентација на Македонија што дополнително зборува за неговиот квалитет.

Во Охрид Блажески им се придружува на Градимир Чаневски и Даниел Ѓорѓески, па охридкиот клуб комплетира трио со македонски чувари на мрежата.