Eкипата на Охрид го потврди српскиот бек Предраг Вејин како ново засилување во своите редови.

Вејин со македонскиот суперлигаш потпиша договор на две години и за него ова е враќање во Македонија бидејќи во минатото го носеше дресот на Металург.

„Поздрав за сите навивачи на Охрид. Се радувам што во следните две сезони ќе го носам дресот на овој клуб и ќе бидам еден од „гладијаторите“. Ме радува новиот предизвик и се надевам дека со заедно со екипата со заеднички сили ќе имаме што подобри резултати. Исто така ме радува што доаѓам во Македонија, во земја во која ракометот е спорт број еден и во која се чувствувам како дома. Едвај чекам на новата сезона“, изјави Вејин.

Во тимот на Охрид пристигнува од грчки Олимпијакос каде што настапуваше во тековната сезона. Низ кариерата беше дел уште од: Нексе, Висла Плоцк, Рамат Хашарон, Адемар Леон, Данкерк и Металопластика.