
Официјално: Док Риверс е 25. тренер во историјата на Филаделфија
Филалделфија сиксерс денеска и официјално објави дека Глен Док Риверс ќе биде нов тренер.
Риверс во тимот од Источната конференција доаѓа по седум години поминати во Лос Анџелес клиперс од каде доби отказ по елиминацијата во плејофот од Денвер нагетс иако неговиот тим водеше со 3:1 во победи.
Препорачано
Претходно, Риверс помина девет години на клупата на Бостон селтикс со кого во 2008 година ја освои шампионската титула.
Official.
?: https://t.co/Hxy6xmlL33 pic.twitter.com/R0XA5v9SBG
— Philadelphia 76ers (@sixers) October 3, 2020
Тој со 91. победа во плеј-офот е втор најуспешен тренер меѓу активните тренери и седми на вечната листа.
– Возбуден сум поради можноста да работам во тим од светска класа, тим чија легенда го инспирира моето име. Ова е град кој го сака спортот и ги сака своите екипи. Тоа е град кој ја цени работата и трудот кој во вложуваме и токму тоа може да го очекува од нас – изјави Риверс.
Риверс доаѓа на местото на Брет Браун кој доби отказ по поразот во првата рунда од плеј-офот од Мајами хит.