Валон Ахмеди (30) е најново засилување на фудбалскиот клуб Работнички и доаѓа како слободен агент.

Ахмеди е офанзивен играч за врска, кој може да игра и на крилните позиции.

Во кариерата има настапувано за Судтирол, Целје, Марибор, Кирјан Шмона, Интер Запрешиќ, Шкендија, Шахтер Солигорск.

Претходно оваа зима нови „романтичари“ станаа и Медин Бајрами, Анес Рушевиќ и Миле Тодоров, додека Никола Манојлов и Игор Алексовски ги продолжија своите договори.

Работнички оваа сезона е во трка за шампионската титула во првенството, моментно го дели врвот по есенскиот дел заедно со Силекс и Шкендија со по 37 бодови.

Првиот меч од пролетниот дел во сезоната скопскиот клуб ќе го има за два дена на 16 февруари на гостински терен против Шкупи.