Eкипата на Сао Паоло го доби најдобриот можен подарок пред празничниот период бидејќи во тимот се врати Бразилецот Оскар.

Оскар токму го во Сао Паоло ги имаше своите почетоци пред да се пресели во Интернасионал од каде што направи трансфер во редовите на Челси. Кога блесна во Челси изненадувачки на само 26 години се одлучи да замине во Кина.

Во тимот на Шангај Порт пристигна во 2017 година и се задржа седум години станувајќи вистинска легенда на клубот. Сега по заработени 175 милиони евра само од плати во кинеската Суперлига Оскар одлучи да се врати во татковината.

„Среќен сум што се враќам во Бразил и што ќе играм за Сао Паоло, клубот каде што ја започнав кариерата и каде што се откриве себеси. Благодарен сум за наклонетоста што ја добив на социјалните мрежи во последните неколку дена. Ќе дадам се од себе да постигнеме големи работи“, изјави Оскар.

За Челси, Оскар играше од 2012 до 2016 година и во тој период настапи на 131 натпревари и постигна 21 гол.