Македонската фудбалска легенда, Љупчо Марковски – Калц е новиот тренер на Тетекс.

Откако пред два дена беше потврдена новата управа во клубот сега е и именуван и Калц за тренер. Калц заедно со новиот управен одбор треба да донесе нова енергија во клубот кој во овој момент е во долниот дел од Втората македонска лига.

Главната задача сезонава ќе биде тимот да се спаси од испаѓање, а за таа цел ќе добијат и соодветни засилувања. Веќе се споменуваат одредени фудбалери како можни засилувања, па така се очекуваат подобри денови за поранешниот освојувач на Купот на Македонија.