Кире Маркоски е новото засилување на Вардар, потпишувајќи едногодишен договор со најтрофејниот македонски клуб.

Овој 27-годишен напаѓач запиша пет настапи и еден постигнат гол за најдобрата репрезентација на Македонија, како и шест голови во 16 натпревари за младата У21 репрезентација, вклучувајќи ги и настапите на Европското првенство вo 2017 година.

Воедно има над 150 мечеви во Првата фудбалска лига на Македонија, освоена една титула и два куп трофеи со ФК Работнички.

Како интернационалец беше дел од чешката Карвина, АЕЛ Лимасол од Кипар и словачката екипа Спартак Трнава со која успеа да го освои Купот на Словачка пред три години.

Вардарци после три одиграни кола во Втората фудбалска лига има седум бодови за моментно четврто место во генералниот пласман.