Горазд Михаилов (50) е назначен за шеф на стручниот штаб на фудбалскиот клуб Брера Струмица. Ова е одлуката на управата на клубот, откако пред два дена, спогодбено се раздели со српскиот стратег Бојан Круљ откако екипата го забележа и третиот последователен пораз во првенството.

Михаилов денеска го презеде тимот, со играчите имаше состанок, а го одработи и првиот тренинг на Спортскиот центар Пандев. Тренер беше на скопски Вардар каде во средината на август по победата над Пелистер си поднесе оставка.

Во стручниот штаб на Брера, помошници на Михаилов ќе му бидат Тане Темелков и Тони Атанасов кој од младинскиот погон се префрлува во сениорите, кондиционен останува Дарко Коцев, а за голманите Ѓорѓе Шопов.

Михаилов е добро познат на македонската фудбалска јавност и како играч и како тренер.

Во својата кариера ги има водено и екипите на Силекс, Борец од Велес, Тетекс, Напредов, Пелситер и Охрид а извесен период беше и во Приједор во Босна и Херцеговина.