Официјално: Егзон Белица во одбраната на ФК Шкендија
Фудбалскиот клуб Шкендија ја извести јавноста дека нов играч на актуелниот македонски првак е 34-годишниот дефанзивец Езгон Белица.
Препорачано
Стружанецот успешно ги помина медицинските прегледи и официјално потпиша едногодишен договор со тетовските „црвено-црни“ со опција за продолжување доколку двете страни останат задоволни.
Возбуден поради потпишувањето со Шкендија и враќањето во средината каде што пред 12 години беа направени првите чекори за изградба на тим кој ќе доминира на домашната сцена и ќе се снајде добро во Европа, Белица високо го цени подемот на клубот во текот на годините. Тој доаѓа со доверба дека клубот ги има сите параметри да продолжи со успех во наредниот период.
Белица претходно играше за Шкендија во 2013 година како едно од првите засилувања откако компанијата „Еколог“ влезе во клубот.
Во кариерата настапуваше за Интер Турку од Финска и Рига од Летонија, со Партизани Тирана стана шампион на Албанија, а со Приштина дојде до пехарот во Купот на Косово. Во последните две сезони ги бранеше боите на Работнички.
