Како што информираат од „Олд Трафорд“, на крајот на јануари Ед Вудворд ќе го напушти Манчестер јунајтед каде што ја извршуваше функцијата извршен потпретседател.

Од 1 февруари 2022 година Ричард Арнолд ќе биде главниот извршен директор на клубот кој треба да биде нова водечка фигура која ќе ги претставува „црвените ѓаволи“.

– Би сакал да му се заблагодарам на Ед за неговата неуморна работа во име на Манчестер jунајтед во текот на неговите девет години како извршен потпретседател и 16 години во клубот.

Сега со нетрпение очекуваме Ричард и неговиот лидерски тим да отворат нова фаза во еволуцијата на клубот, со амбициозни планови за инвестирање на Олд Трафорд, зајакнување на нашиот ангажман со навивачите и континуирано се движиме кон нашата најважна цел – победа на теренот – вели Џоел Глејзер, извршен копретседател на клубот.

Имаше добри, но и лоши моменти за време на мандатот на Вудворд. На овој потег се одлучил затоа што наводно не можел да ги поддржи плановите на сопственикот, семејството Фрејзер, во обидот да се приклучи клубот во т.н. „Суперлига“, а кога заврши целата врева околу тоа, работите се смириле, по што Вудворд ја потврди неговата одлука.

ℹ️ We are pleased to announce that Richard Arnold will become Chief Executive Officer of the club, effective from 1 February.#MUFC

— Manchester United (@ManUtd) January 6, 2022