Шкотскиот фудбалски тренер Дејвид Мојс е новиот менаџер на Евертон, соопшти денеска англискиот клуб.

Мојс (61) по 12 години се врати во Евертон. Тој го водеше клубот на повеќе од 500 натпревари помеѓу 2002 и 2013 година.

– Прекрасно е што се вратив, уживав во 11 прекрасни и успешни години во Евертон и не се двоумев кога ми беше понудена можност повторно да се приклучам на овој голем клуб. Возбуден сум што ќе работам со новите сопственици и со нетрпение очекувам да им помогнам да го обноват клубот – изјави Мојс, пренесува клупската веб-страница.

Евертон го отпушти Шон Дајч во четвртокот по серијата лоши резултати.

Шкотскиот тренер во текот на својата кариера работеше во Престон, Манчестер јунајтед, Реал Сосиедад, Сандерленд и Вест Хем. Мојс ја освои Конференциската лига со Вест Хем во 2023 година.

Евертон е на 16 место на табелата во Премиер лигата со 17 бодови, има три победи и осум нерешени и порази.