Организацијата за економска соработка и развој (ОЕЦД) благо ја намали прогнозата за светскиот економски раст за 2025 година поради послабите проекции за растот во САД и во еврозоната. Во 2025 година, ОЕЦД очекува економски раст од 3,1 отсто во споредба со 3,3 отсто што ги прогнозираше во декември, поради „растот на царинските бариери во неколку економии од Г-20“ и „неизвесноста за геополитичката ситуација и економските политики кои тежат врз инвестициите и потрошувачката на домаќинствата“.

Се предвидува раст од три отсто во 2026 година, наспроти 3,3 отсто во претходниот извештај. Таа економска институција очекува и повисока инфлација од претходно предвидуваната. Годишниот економски раст на САД, исто така, се предвидува да забави од неговото неодамнешно силно темпо на 2,2 отсто во 2025 година и 1,6 отсто во 2026 година, што е намалување од претходно прогнозираниот раст од 2,4 отсто оваа година и 2,1 отсто следната година, пренесува Данас.