Одмор кој можел да се претвори во хорор: Ајкула ја гризнала сопругата на поранешниот НБА кошаркар
Шпанските медиуми пренесуваат, дека сопругата на поранешниот НБА кошаркар и италијански реперезентативец, Данило Галинари била нападната од ајкула за време на нивниот одмор во Порторико.
Препорачано
Веста за нападот ја потврди и Одделението за природни и еколошки ресурси, додека комесарот на општинската полиција од Каролина, Рубен Мојено, изјави дека жената се здобила со отворена рана на ногата, но дека е во стабилна состојба и не е во животна опасност.
Иако официјално не е објавен идентитетот на жената, шпанскиот весник „Ел Нуево Диа“ објави дека се работи за сопругата на Галинари.
„Врз основа на фотографиите што ни беа доставени, сметаме дека карактеристиките на повредата се компатибилни со гриз од ајкула. Но, за да се потврди тоа, потребна е серија анализи. Во таа насока, побаравме од медицинскиот персонал да достави примероци кои, доколку бидат достапни, веднаш ќе бидат анализирани“, наведува во извештајот биологот Нилда Хименез.
Галинари, кој во текот на својата НБА кариера настапуваше за Денвер, Атланта, Оклахома, Вашингтон, Детроит и Милвоки, сега е дел од кошаркарскиот клуб Ваккерос де Бајамон од Порторико.
Wife of former NBA player Danilo Gallinari bitten by shark in Puerto Rico https://t.co/ggNyixs0fr
— Daily Mail US (@Daily_MailUS) July 31, 2025
