Репрезентативецот на Македонија, Ненад Димитријевиќ одигра уште еден одличен натпревар за Уникс Казан против најтрофејниот руски клуб ЦСКА Москва, сепак настапот на Димитријевиќ не беше доволен за Уникс да се радува на победа.

ЦСКА славеше во првиот натпревар и поведе со 1:0 во финалето од ВТБ лигата (96:95). Во исклучително драматичен финиш ЦСКА дојде до победата. На девет секунди пред крајот при резултат 95:92 судиите досудија неспортски прекршок од Димитријевиќ, а ЦСКА го искористи слободните фрлања.

Димитријевиќ натпреварот го заврши со 22 поени, шест асистенции три украдени топки и три скока со индекс 31 кој беше највисок на мечот. Во вториот меч Уникс ќе биде домаќин и пред својата публика ќе се обиде да дојде до изедначување.