Мерката за ограничување на бруто-профитните маржи за над 1 000 прехранбени и непрехранбени производи во трговијата на мало и големо истекува денеска. Владината одлука за оганичени маржи беше донесена во февруари годинава и трае заклучно со денеска, 30 април.

Министерот за економија и труд, Бесар Дурмиши оцени дека мерката дала позитивен резулатат бидејќи, како што рече, во споредба со февруари, во март има дефлација од 1,3 отсто во делот на храна и пијалоци, односно намалување на цените. Исто така и податоците за април покажувале намалување на цените.

Државниот пазарен инспектора од утре (1 мај) ќе врши контроли на терен за да се види дали по завршување на мерката ќе има енормно зголемување на цените на производите. Ако се утврди дека маркетите се однесуваат девијантно и енормно ги зголемат цените, Дурмиши најави дека ќе бидат воведени поригорозни мерки.