Чоколадните топчиња од сушено овошје од Србија наменети за словенечкиот пазар се повлекуваат од потрошувачите. Причината е зголеменото количество на микотоксинот охратоксин А, објави РАСФФ, европскиот систем за брзо предупредување и известување за храна. Станува збор за свежи топчиња, во пакување од 144 грама, со фил од слива и кајсија и какао.

Рок на употреба на производот е до 1 декември 2024 година, а бројот на ЛОТ е 7004. Добавувач е фирмата „Агранела“ д.о.о. и дистрибутерот „Хофер трговина“ д.o.o. покажуваат податоците на словенечката управа за безбедност на храна, ветеринарна медицина и заштита на растенија, објавени на веб-страницата на словенечката Влада, пишува Н1. Според податоците на веб-страницата РАСФФ, овие овошни топчиња содржат микотоксин – охратоксин А, во количина од 16,5 микрограми на килограм.

Управата за безбедност на храна, ветеринарна медицина и заштита на растенијата на Словенија, како што е наведено на веб-страницата на словенечката Влада, добила информација од одговорниот оператор за повлекување на топчиња од сушено овошје – „повлекувањето се врши врз основа на резултатите од сопствени контроли“. Охратоксинот е вид на микотоксин кој се добива како производ на метаболизмот на мувлите, стои на веб-страницата на Заводот за јавно здравје од Врање.

Познати се повеќе од 100.000 различни видови мувла, од кои некои се корисни на повеќе начини, а некои се многу штетни и опасни. Се смета дека 200 до 300 различни видови мувла произведуваат микотоксини. Влагата и високата температура го поддржуваат растот и развојот на мувлата. Охратоксинот може да се најде најчесто во житариците, гравот, кикириките, кафето, некои видови зачини, грозјето, виното.

Постојат различни максимално дозволени количини на охратоксин во зависност од видот на храната, така што на пример во преработената храна на база на житарици, според важечкиот Правилник, МДК е 0,5 микрограми на килограм“, се објаснува на веб-страницата на Институтот за Јавното здравство.